Wisata Budaya

Candi Gedong Songo Minangka Wisata Budaya

Gambar Candi Gedong Songo

Salah satunggaling wisata budaya ingkang taksih dipunremeni dening para wisatawan inggih menika wisata candi. Candi ingkang taksih wonten saha taksih ngrembaka wonten ing Semarang inggih menika Candi Gedong Songo. Candi Gedong Sanga inggih menika Candi Hindu ingkang papanipun gampil menawi saking maneka kitha ingkang wonten ing sakitaripun. Candi menika wonten ing deretan alteratif Ungaran–Temanggung, menawi dipunmilai saking kitha Semarang cekap namung wonten sisih kidul ingkang arahipun kitha Ungaran–Bandungan–Gedong Songo. Perjalanan kasebut saged dipuntempuh kanthi wekdal antawisipun 1 jam. Ananging menawi saking Yogyakarta saged liwat  Kitha Ambarawa (Tugu Palagan Ambarawa)–Bandungan–Gedong Songo, kanthi wekdal antawisipun 2 jam.

Ananging sakmenika namung wonten 5 komplek candi kemawon ingkang taksih wonten. Candi menika dipundamel simetris wonten ing nginggilipun bukit ingkang nudhahaken perpaduan  saking kalih religi . Religi menika ingih religi lokal ingkang pitados kaliyan nenek moyang saha saking budaya Hindu ingkang candi minangka papan semayam para Dewa.  Candi ingkang dipundamel kuncup sami kaliyan budaya wonten ing jaman batu inggih menika punden berundak. Prinsipipun inggih menika langkung wonten puncak, roh nenek moyang langkung caket kaliyan manungsa. Kalih budaya menika nyatu wonten ing Candi Gedong Songo kanthi ngandharaken minangka papan persembahan kangge roh nenek moyang, ingkang minangka papan kangge nindhakaken prosesi wonten ing komplek candi ingkang wonten ing perbukitan.

Candi Gedong Songo inggih menika salah satunggaling candi ingkang nggadhahi karakter Aura Alam Ghaib ingkang kuat saha ingkang mistik. Komplek candi ingkang jumejer wonten ing ngandhap nginggil ingkang dipunhubungaken kanthi margi setapak semenan. Candi ingkang wonten ing puncak paling nginggil inggih menika puncak nirwana. Wonten ugi bukit Kendalisodo saha Gua papanipun Anoman tapa. Komplek Candi Gedong Songo menika dipunbangun dening putra Sanjaya, Raja Mataram Kino antawisipun wonten ing 7 M. Ningali saking langgam arsitektur saha pendiri ingkang agaminipun Hindu, candi Gedong Songo sampun tamtu minangka candi Hindu ingkang dipundamel kanthi ancas sembahyang.

Gambar Salah Satunggaling reca

Dewa-dewa ingkang wonten ing candi menika inggih menika Syiwa, Durga (garwanipun Siwa), Ghanesa (putranipun Siwa), Agastya (Resi), sarta 2 pengawal dewa Siwa inggih menika Nandiswara saha Mahakala ingkang tugasipun njagi kori candi saha Lingga Yoni ingkang minangka cirinipun saking candi Hindu ingkang wonten ing Nuswantara.

Candi Gedong Songo ugi gadhah kaitanipun kaliyan Redi Ungaran, papanipun candi gedong songo jumeneng. Redi Ungaran inggih menika Redi ingkang dipunginakaken Anoman kangge ngurung Dasamuka wonten ing perang ageng ngrebutaken Dewi Sinta. Sami kaliyan ingkang sampun dipunmangertosi cariyos Ramayana ingkang misuwur, Dasamuka nyulik Dewi Sinta saking Rama ingkang minangka garwanipun Sinta. Kangge ngrebut Sinta, dipunadani perang agemg anatwisipun Dasamuka kaliyan bala tentara raksesanipun mangsah Rama ingkang dipunbiyantu dening pasukan wanara ingkang dipunmangarsani dening Anoman. Wonten ing perang kasebut, Dasamuka ingkang sakti boten saged seda sanajan dipunrajam saking maneka warni senjata dening Rama.

Mangertosi kadadean ingkang menika, Anoman ingkang minangka putranipun Dewa saklajengipun ngangkat satunggaling redi kangge nimbun badanipun Dasamuka. Kadadean menika dadosaken Dasamuka katimbun redi Ungaran kanthi hidup-hidup. Dasamuka ingkang katimbun wonten ing dasaring redi Ungaran wonten ing sapadintenan ngrintih awujud suwanten ingkang asalipun saking sumber air panas ingkang wonten ing mriku. Sumber air panas ingkang ngandhut welirang menika dados papan siram kangge ngilangaken mapinten-pinten penyakit kulit.

Papan Candi Gedong Songo ingkang kasebar wonten ing lereng Redi Ungaran menika nggadhahi pemandanga alam  ingkang  endah. Wonten ing sakitar papan menika ugi wonten alas pinus ingkang katata kanthi rapi sarta mata air ingkang ngandhut welirang. Pedhut tipis ingkang mudun saking redi ngakibataken boten saged ningali Candi Gedong Songo kanthi cetho saking papan ingkang tebih. Candi Gedong Songo ugi nggadhahi kamiripan kaliyan Candi Dieng. Candi menika mapan wonten ing sakitar 1.200 m ing nginggil permukaan laut saingga suhu udara langkung asrep.

Sakderengipun mlebet wonten Candi Gedong Songo, langkung rumiyin kedah tumbas tiket rumiyin. Tiket Masuk kangge Diwasa/5 thn manginggil  inggih menika Rp 7.000/tiyang saha Rp 25.000/tiyang kangge Wisatawan Asing, menawi  regi Jasa Naik Kuda Candi Gedong Songo inggih menika:

·      Wisata Desa Rp 25.000 (Wisman Rp 35.000)

·      Air Panas Rp 40.000 (Wisman Rp 60.000)

·      Candi II Rp 30.000 (Wisman Rp 40.000)

·      Paket candi Songo Rp 50.000 (Wisman Rp 70.000)

Kangge tumuju wonten Candi I, kedah mlampah antawisipun 200 m wonten ing margi setapak ingkang munggah, utawi saged ugi ngginakaken jasa trasportasi jaran kangge wisata Candi Gedong Songo. Supados saged dumugi wonten Candi II, kedah langkung kiyat amargi papanipun antawisipun 500 m saking komplek Candi I. Sakmenika, pangalola Candi Gedong Songo ndamel jalur enggal ingkang misah antawisipun jalur Hikingers saha jalur kuda. Jalur Hikingers belok wonten ing sisih kanan, liwat wonten bukit, saha warung makan. Mapinten-pinten Gazebo dipunsiapaken minangka papan kangge ngaso dening para wisatawan ingkang sayah. Ananging menawi jalur kuda wonten ing sisih iring kiri ingkang papanipun radi tebih saking ingkang mlampah.

Gambar Candi Kaping II

Nalika wonten ing komplek Candi kaping II, samangke ngraosaken bedanipun kaliyan candi ingkang kaping I. Papanipun ingkang wonten ing nginggil sae sanget kangge eksplore sejarah saha kangge foto-foto. Sami kaliyan candi ingkang kaping I, komplek candi kaping II ugi namung wonten setunggal candi. Mapinten-pinten bekas candi nggadhahi wujud ingkang risak, amargi kawontenanipun boten katingal malih. Sasampunipun puas wonten ing candi ingkang kaping II, namung nggadhahi jarak mapinten-pinten meter wonten nginggil, samangke badhe nemokaken komplek candi ingkang kaping III.

Gambar Candi Kaping III

Wonten ing jarak antawisipun Candi Gedong III kaliyan Gedong IV wonten satunggaling kapunden redi minangka sumber air panas ingkang ngandhut welirang ingkang langkung kathah. Para wisatawan saged siram saha ngangetaken badan wonten ing pemandian ingkang dipunbangun caket kapunden kasebat. Ambet welirang ingkang kiyat saha kepul asepipun 

ingkang kandel, nalika sampun caket sumber air panas kasebat. Komplek candi ingkang kaping III menika cekap jangkep ingkang jimlahipun 3 candi ingkang sami caket.

Gambar Kepunden Toya Anget

Sami kaliyan candi ingkang wonten ing Dieng, ingkang gadhah kemiripan kaliyan komplek candi Arjuna ingkang wonten ing Dieng. Mapinten-pinten candi ingkang mangrucut nginggil saha setunggal candi ingkang awujud kotak wonten ing ngajengipun. Wonten ing komplek Candi kaping III menika papan saking reca-reca ingkang taksih wonten ing komplek Candi Gedong Songo. Wonten ngajeng komplek Candi kaping III kasebat ugi wonten uap panas ingkang aslipun saking sajroning bumi.

Sasampunipun dumugi wonten candi kaping III, wisatawan nglajengaken perjalanan malih tumuju wonten ing komplek candi kaping IV ingkang papanipun langkung tebih saking komplek candi kaping II saha candi kaping III. Supados saged dumugi wonten candi kaping IV wisatawan kedah mubengi bukit. Candi kaping  V jarakipun ugi tebih saking candi kaping IV. Wonten ing komplek candi kaping V, mapinten-pinten bangunan candi katingal sampun risak saingga namung awujud candi alit kemawon.

Gambar CAndi Nirwana

Sasampunipun mlampah langkung tebih, sampun tamtu kraos luwih saha ngelak wonten ing padharan. Ananging menika boten dados perkawis ingkang ageng, amrgi wonten ing sakitaripun Candi Gedong Songo utawi Bandungan kathah kuliner khas Ungaran.  Antawisipun inggih menika sate kelinci kanthi regi ingkang kekancan utawi wedang ronde ingkang anget.  Saksanesipun ugi wonten  Tahu Serasi khas Ungaran ingkang dipunsajikaken kaliyan angetipun sari kacang dele ingkang manis. Sampun kesupen tumbas gula kacang ingkang wonten ing toko-toko caket papan menika. Saged ugi tumbas sayur saha buah ingkang seger wonten ing peken tradisional Bandungan, lajeng tumbas maneka warni  taneman  hias saha sekar-sekar ingkang langka sarta endah.