Profile

Ndherek Nepangaken :)

Nama kula Diah Fatmala Sari, kanca-kanca nimbali kula kanthi nama Diah. Ananging wonten ing griya kula dipuntimbali Putit. Sakmenika kula ngudhi kawruh wonten ing salah satunggaling Universitas ingkang kasuwur wonten ing kitha Ngayogyakarta. Kula ngudhi kawruh wonten ing Universitas Negeri Yogyakarta mliginipun wonten ing Fakultas Bahasa dan Seni jurusan Pendidikan Bahasa Daerah. Sakderengipun kula ngudhi kawruh wonten ing UNY, langkung rumiyin kula ngudhi kawruh wonten ing SMA N 1 Welahan, Kabupaten Jepara.

Kula miyos wonten ing Jepara ing dinten radite pahing 17 Juli taun 1993. Kula remen kaliyan kabudayan Jawi wiwit SMP, wonten ing SMP 2 Welahan menika kula dipuntepangaken kaliyan tari-tarian Jawi. Ing yuswa kula ingkamg kaping 6 kula mlebet wonten SD N Kal-Wet 01, ingkang sakdherengipun wonten TK PGRI Kal-Wet rumiyin. Kula minangka putri ingkang ragil, ingkang boten remen kaliyan kucing. Kula minangka tiyang ingkang remen foto, mliginipun foto wonten ing papan ingkang dereng nate dipunpanggihi.  

Ingkang langkung kula tengenaken inggih menika kedah saged sabar, tliti saha dedonga saha saged empan papan sarta tanggap ing sasmita. Angen-angen kula inggih menika saged dadosaken tiyang sepuh remen sarta mbombong kaliyan menapa ingkang sampun kula tindhakaken.

Mekaten minangka profil kula ingkang saktleraman, menawi badhe langkung tepang kaliyan kula saged mawi facebook: Diah Fatmala Sari, twitter: @putit_17, utawi mawi e-mail: roroajengnimasayud@yahoo.com saha putitfatmala@gmail.com.